MP-in solar power plant hawng

Rajya Sabha MP Ronald Sapa Tlau chuan, model village atana a thlan hmasak ber Chhiahtlang khuaah Thawhṭanni khan Zoram Energy Development Agency (ZEDA) in Ministry of New & Renewable Energy bul tuma solar power plant an bun thar a hawng.

Ronald Sapa Tlau chuan a beisei anga solar power plan hlawhtling taka bun a ni chu lawmawm a tih thu sawiin. "Changkanna hi a intanna chu mihring rilru sukthlek hi ani a, chutihlaiin khawvel ram tinin hmasawnna daltu lian bera an puh tlan chu eirukna a ni. Heng thil chi hnihte hi awmze neia kan kalpui a, changkang tura rilru dik kan puta, eirukna do ngam khawpa kan huaisen phawt chuan mathei loin hma kan sawn zel dawn a ni," a ti.

Thusaiwtu dang, bialtu MLA Lalrinawma chuan tunlai khawvel thiamna sang tak solar power plant hmang phaa Chhiahtlang mipuite an awm chu vanneihthlak a tih thu sawiin, Chhiahtlang mipuite chu neitu rilru pua duat taka heng thil ṭha an kuta lo lutte lo enkawla lo vawnghim tlat turin a chah.

Inkhawma tarlan a nih danin, he solar power plant in a tum ber chu power supply chatlak loa thlan bik vantlang hmunte thlunzawmna tur a ni a, power a pek chhuak theih zat hi 95 kWp a ni.