Lirthei tlân dan tur thar tichhuak

Traffic SP Rodingliana Chawngthu chuan, November 31, 2021 zanlai dar 12 thlenga Aizawla lirthei intlàn chhâwk dan tur a tichhuak a; Inrinni, Pathianni leh sorkar holiday-ah lirthei zawng zawng tlân theih a ni dawn.

Lirthei intlàn chhâwk hian mimal, sorkar leh bungraw phur lirthei zawng zawng a huam a, district dang lirthei leh state páwna lirthei register-te pawh a huam a ni.

Intlân chhâwk hian zing dar 9:30 aṭanga tlai dar 5 thleng a huam dawn a, zanlam curfew hun, zan dar 9 aṭanga zing dar 4 inkarah phalna nei lo lirthei tlan phal a ni lo. Registration-a chuang thei zat (seating capacity) tarlan aia tam chuan phal a ni lo a, hmai tuam reng tur a ni. Hemi rual hian, intlan chhâwkin a huam lohte tarlan nghal a ni.

Taxi bik chu anmahni'n intlân chhâwk dan an hman mek angin zing dar 9 aṭanga tlai dar 6:30 inkarah an intlân chhâwk ang a, zan dar 6:30 hnuah chuan curfew hma zawng an vaia tlan theih a ni. Inrinni bikah chawhnu dar 1 aṭangin an vaiin an tlan thei a, Pathianni leh sorkar holiday-ah an vaiin an tlân thei bawk.

Two wheeler taxi chu sticker A, B, C, D leh E hmanga an tlân dan tur (routine) siam angin ni khatah group pathum an tlan thei dawn a, Pathianniah chuan an vaiin an tlan thei thung.

City bus-te chu Aizawl City Bus Owners Assosciation-in routine an siam angin an tlan dawn a ni.