Anthurium Festival 2021 khâr a ni

Anthurium Festival 2021 zan hnihna chu October 29, Zirtawpni zan khan Vanapa Hall-ah hman chhunzawm a ni a, Tourism minister Robert Romawia Royte-in a hmanpui.

Tourism Minister chuan, India ram hmun hrang hrangah Mizoram chu anthurium ṭhatna hmun tia hriat lâr a nih thu sawiin, "Mi tam takin hlawhtling takin eizawn nan an hman avangin a hming chawia kût neih hi a inhmeh hle a, a hming chungchangah ngaituahna zau tak kan put thiam a ṭul," a ti a; anthurium chíngtute'n a zawrhna an mahnia an inngaihtuah chu fakawm a tih thu a sawi.

Tourism department-in khualzin leh a kaihhnawih chungchang dante awmze nei zawka kalpui a tum thu sawiin Robert Romawia chuan, "Mizoram Responsible Tourism Policy 2020 te, inkaihhruaina leh zawm tur dan hrang hrang duan chhuahte hian awmze nei zawkin tourism industry hi kalpui a tum," a ti.

Anthurium Festival hi October 29, 2021-ah hian tihtawp nghal a ni.