PM Modi leh Pope Francis inkâwm Méllung pawimawh a ni - Governor

Governor Dr Hari Babu Kambhampati chuan October 30, Inrinni khan thuchhuah siamin, Vatican khawpuia prime minister Narendra Modi leh Roman Catholic kohhran hotu lú ber Pope Francis te an inkâwm chu méllung pawimawh tak a nih thu a tarlang.

Larsap chuan, khawvela mipui thlan tlin ram lian bera Prime Minister leh khawvela Kristian kohhran lian ber hotu lu inkawmna chu history lehkhabua tarlan pawh a àwm viau niin a sawi a, "Prime minister Modi hian a hnathawhnaah leh mipui rawng a bàwlnaah mihringte harsatna tawh hrang hrang sutkian leh retheihna ûm bo a ngai pawimawh hle a, hemi atan hian hma a la nasa a ni," a ti a; chu chu Pope Francis-a'n Pope-a nemngheh a nih hnua mipui tana rawng a bàwl dan leh hna a thawh dan nen pawh a inang hle niin a sawi.