MiMIR chungchang ngaihtuah

New Economic Deve­lopment Policy (NEDP) hnuaiah state sum leh pai dinhmun tihhmasawnna tur ruahman, 'My Pro­ject, My NEDP - Mipui Mamawh Inṭawm Rua­hmanna (MiMIR)' chungchang ngaihtuahin nimin khan sorkar official-te Aizawl DC A Muthamma hoin an ṭhukhawm.

Sorkar thuchhuah tarlan danin, MiMIR pro­ject hnuaiah hian a duh apiangin khawtlang tana ṭangkai, mipui inhman ṭâwm theih tur developmental project lian tham siamna tur rua­hmanna thehluh tur a ni. June-August, 2018 thleng inelna (open com­petition) buatsaihin, project con­cept paper chu August 16 thleng theh­luh theih a ni. MiMIR atan hian cheng vbc. 8 ruahman a ni a, district tinah project pakhat atan cheng nuai 100 zel dah a ni.