Excise-in kumin chhungin rakzu Litre 38,132.060 an man tawh

Excise & Narcotics department (END) chuan kumin 2021 chhungin rakzu litre 38,132.060 an man a, ruihhlo chi hrang hrang kaihhnawihah mi 2,704 an man. Kumin October thla bikah litre 4,157.700 an man bawk.

END hian nimin zing dar 9 khan Bethlehem Vengthlangah heroin gram 168 (hawng 13) leh a neitua puh Lalmalsawma (46) s/o C Vanlalchhunga (L), Bethlehem Vengthlang nia inchhál an man a, heroin chu Myanmar aṭanga lak a ni. Lalmalsawma lakah The Narcotic Drugs & Psychotropic Substances Act, 1985 tlawhchhanin thubuai an ziak lut a ni.