Covid-19 vangin 434 thi tawh

Nimin khan tlai dar 5 thlengin Mizoramah Covid-19 vanga thi mi pahnih an awm a, Mizorama Covid-19 vanga thi chu mi 434 an tling tawh.

Covid-19 vei enkawl lai Lalparmawii (35), East Phaileng, Aizawl district chu nimin zing dar 5 khan State Referral Hospital-ah a thi a, natna dang nei a ni. Covid-19 vei a ni tih October 30 khan hmuh chhuah a ni a, SRH-ZMC-ah dah luh nghal a nih thu sorkar thuchhuakin a tarlang.

Nimin tlai dar 4:30 khan Thatsavunga (74), Chhinga Veng chu SRH-ZMC-ah a thi a; Covid-19 positive a ni tih October 14 khan hmuh chhuah niin, SRH-ah dah luh nghal a ni a, natna dang nei tel a ni.