Congress party-in lawmthu an sawi

Congress party chuan thuchhuah siamin, October 30, Inrinni-ah Tuirial bial by-election tluang taka neih a ni leh inthlan buaipuitu leh MPF-te hmalakna lawmawm an tih thu leh an candidate Chalrosanga Ralte vote-tu zawng zawng chungah an lawm thu an tarlang.

MPCC chuan, inthlan atana campaign laia ZPM leader Lalduhoma leh working president K Sapdanga ten ZPM chu sum sên chungchanga mipui bum tumah puhin, "Mahni mawng hlîmna dik takah kan ngai. Kum 2018 General Election-ah khan Tuirial bialah hian ZPM hian party dang aiin sum an séng nasa bera ngaih a ni," an ti.

By-election neih zawh takah pawh ZPM chu sum séng nasa bera ngaih an nia sawiin MPCC chuan, "ZPM hotute hian Tuirial by-election-ah an tlin loh palh pawha party dang sum sèn nasat vanga tling lo anga an insawi theih nan dái an theu lâwk a ni," an ti a; an nih loh dan anga lan an tum niin an sawi.