Luia nungchate man khap

Mizoram sorkar chuan, Mizoram Fisheries Amendment Act, 2016 Section 5(1) leh (2) beh­chhanin nghalim, nghadawl, chakai, chêng­kawl leh kaikuangte inthlahpun hun, October 10 aṭanga December 18, 2021 chhungin man khap a nih thu a puang.

Luia nungchate chu khauh taka humhalh mek an nih thu tarlangin Mizoram sorkar chuan, "Hei hian Mizorama lui leh luitê zawng zawng, autonomous district council area tiam loin a huam a, dan bawhchhiate chu thla khat chhung lung-in tàn (thla thum thlenga pawhsei theih) emaw, Rs 5,000 chawitir emaw, a pahnih emawa hrem kawp emaw theih a ni," a ti a; luia nungchate an inthlah pun zel theih nan ṭha tak dan zâwm turin mi tin an ngen a ni.