Residential school ṭhenkhat hawn remti

Serchhip District Disaster Management Authority chu nimin khan bawrhsap mawhphurhna la mektu Lalmuansanga Ralte, additional DC hoin DC conference hall-ah an ṭhu a, zirna kalpui dan tur an sawiho a, residential school ṭhenkhat hawn ṭan an remti.

Ṭhutkhawmah hian Thenzawla Horticulture College, JNV, Serchhip Eklavya Residential Model School leh Chhingchhipa Sainik School-te chu Covid-19 laka invenna ṭha taka zâwm chunga an zirna chhunzawmtir an remti. Zirna-in dangte erawh chu Covid-19 hri awm lohna khuaa khawtlang hruaitu, village task force leh School Education thuneitute'n zirna kalpui chhunzawm ṭha an tih chuan DDMA-ah dilna thlen se an ti.

Ṭhutkhawmah hian Serchhip DDMA member, YMA, MJA, MUP, Serchhip Joint VC leh Thenzawl Joint VC aiawh te, North Vanlaiphai leh Thenzawl SDO-te leh sorkar hotu dangte an tel a ni.