Hna chánte tan training buatsaih

Mizoram páwna hna thawk, Covid-19 vanga an hna chánte tana Mizoram Youth Commission (MYC) leh Mamit DC pisain, livelihood generation training an buatsaih tur chu nimin khan Mamit bawrhsap Dr Lalrozama'n Mamit Higher Secondary School-ah a hawng.

Training-ah hian vawk vulh (piggery) zir duh mi 20 tan ni 15 leh cement mistiri zir duh mi 40 tan ni 45 chhung training buatsaih a ni dawn a; uniform leh stipend bakah, training zawh hnua hna an thawhna tur hmanruate a thlàwna pek an ni ang.

Vety doctor Dr Mal-sawmkima Pachuau leh Dr David Lalthlamuana ten vawk vulh an zirtir dawn a, cement mistiri training chu engineer PC Biaksanga, John L Ngohma, Kiddy TM Rintluanga leh Lalhmingmawia ten an zirtir dawn a ni.