Naupang kut dawhtirtu man

Champhai police chuan, tun hnai khan Cham­phai khawpuia nau­pang pahnih leh mitdel pahnihte kut dawhtirtu Suresh Kumar Chakma an man a, Court-a hruai a nih hnuah jail-ah dah a ni.

Champhai District Child Protection Unit (CDCPU) chuan thu­chhuah siamin, nau­pang kut dawhtir chu Juve­nile Justice (Care and Protec­tion of Children) Act, 2015 khap a nih thu a tarlang a, "Tun hnaiah naupang pahnih leh mitdel pahnihte Champhai khawpuiah vâkin kut an dawh a, kan chhuina aṭangin khawpui dangahte pawh mitdelte hian kut an dawh ṭhin. An kalna leh kut an dawhnaa ruahmanna siampuitu ber leh hruai kualtu nia hriat Suresh Kumar Chakma nia in sawi chu man chhuah a ni," a ti.