Lunglei DC leh MJA-te an inkâwm

Lunglei DC Dr Ankita Chakravarty chuan nimin khan a pisa conference hall-ah Lunglei district MJA member-te a kâwm a; Lunglei district hma­sawnna tura hmalakna hrang hrangte a sawipui.

Dr Ankita Chakravarty chuan, "Kan ram inrel­bawlna democracy vawng nung zel turin media an pawimawh hle. Media mite chu thu dik ṭan tlat a, thlei bik nei loa thu puang darh ṭhin tur an ni," a ti a; mipui sûkthlêk siamsaktu leh mipui rawngbawltu pawimawh an ni tih hre reng turin a chah.

Lunglei MJA member-te chuan an thil ngaih pawi­mawh leh mamawhte DC hnenah an thlen a; ram leh hnam, district hma­sawnna tura lungrual taka hmalak tlan an duh thu an sawi.