Aizawl South-II ah ZPM Committee din

Ṭangrual pawl, Zoram Peoples' Movement (ZPM) chuan Aizawl South-II ZPM Block Steering Committee an din a, nimin khan nimin khan Mission Vengah inkhawm an buatsaih. Thu sawitu Lalliansawta ZPM Steering Committee chairman chuan, Zoram dung leh vângah ZPM Steering Committee ni tin a ding tih sawiin, "Chung lam malsawmna kan dawng a ni," a ti.

Lalliansawta chuan, "Pathian lama kan ṭan phawt chuan ZPM tan káwl a êng zel ang," a ti a; Pathian hmanrua ni thei turin mihring lamah pawhi an inbuatsaih a ṭul thu a sawi a ni.

ZPM hian June 6, Nilaini pawh khan Falkland Vengah ZPM Steering Committee an din a; a hawnna inkhawma thu sawitu K Sapdanga, ZPM secretary general chuan, "Kumin kum tawpah kan inthlang dawn. He inthlannaah hian pawl pathum - Congress, MNF leh ZPM-te kan khaikhin dawn a, sorkar ṭha dina hruai turin hruaitu pathum Pu Hawla, Pu Zorama leh Pu Duhoma te kan khaikhin nghal dawn. Kum 30 chuang sorkar kalphung ngaia kal nge kan duh, kalphung thar hmanga sorkar hruai tur kan bûk dawn a ni," a ti.

K Sapdanga chuan, "Ar note 20 vel inpek te, vawktê 2/3 inpek ngawtte hi mi rethei khaichhuahna a ni lo a, kum nga chhunga cheng nuai khat tih te, MNF-in cheng nuai thum sem an tihte hi ZPM-in kan sawi ṭhin, sawhthing hralhna man aṭanga kum tin cheng nuai 5/10 nen kan bûk dawn a ni," a ti a; Mizo mipuite'n kalphung thar hmanga sorkar din tum an thlan chhuah ngei an beisei thu a sawi.