BSF officer hlui leh midang pali kum 10 tang dawn

Border Security Force (BSF) senior office hlui leh midang pali-te chu kum 12 liamtaa Srinagar-a hmeichhe naupang pawngsualnaa inhnamhnawiha puhin kum 10 tang tura hrem an ni.

Chandigarh-a Central Bureau of Investigation (CBI) court chaun BSF deputy inspector general hlui KC Padhi leh Jammu and Kashmir deputy superintendent hlui Mohammad Ashraf Mir-te chu cheng nuai khat ve ve chawi turin a ti bawk a, Jammu and Kashmir-a cheng Shabbir Ahmed Laway, Shabbir Ahmed Langhoo, leh Masud Ahmed-te chu Rs 50,000 ṭheuh chawitir an ni bawk.

Thiam loh chantirna sum chawi hi pawngsual tawktu hnenah pek a ni ang. Judge Geetanjali Goel chuan pawngsualtu tawktu hian rilru leh taksa lamah tawrhna nasa tak a tawk a ni, a ti.

He thubuaia inhnam-hnawiah puh dang hotel neitu Mehraj-ud-din Malik leh additional advocate hlui Anil Sethi-te erawh chu thiam chan tir an ni thung.