Mi 24 hnenah eizawnna bul ṭanna tur pe

NGO pahnih - CodNerc leh Development Focus, Bangalore-te ṭang dunin ṭhalai hna la nei lote eizawnna bul ṭanna tura hmanrua an ruahmansak, laptop-te chu nimin khan a dawngtute hnenah MZP conference hall-ah an hlan a; MJA president Zonunsanga Khiangte-in a hmanpui.

NGO pahnihte rua­hmanna 'Bridge IT Project' hmang hian khaw hrang hrang 24-a mi (entrepreneur) 24-te hnenah an khua ṭheuha an eizawnna turin notebook (laptop tê chi) leh soundbox an hlan a ni. A hmain computer leh IT kaihhnawih hriat tur pawimawhte an lo zirtir tawh a, training chhungin laptop, projector, pendrive leh data card pakhat ṭheuh an pe tawh bawk.

MJA president Zo­nunsanga Khiangte chuan CodNerc-in eizawnna ngêlnghet nei lote'n an neih theihna tur an buaipui chu fakawm a tih thu a sawi a; ṭanpuina dawngtute chu hmasawn zel tura ṭan la a, an thil dawnte chu eizawnna atan hmang ṭangkai ngei turin a fuih a ni.