Tourism department leh CYMA-in khualzin hîp luh tam dan tur an zir

Tourism department leh Central YMA ṭangkawp chuan nimin khan Central YMA Hall-ah state páwn aṭanga khualzin tam zawk hîp luh leh an laka ṭhat chhuah dan an zirho.

Zirhona hi CYMA vice president R Lalngheta'n a kaihruai a; thusawitu CYMA general secretary Lalhmachhuana chuan, CYMA leh Tourism depart­ment-in kum hnih atan nikum khan khualzin hîp lut tura thawhhona thuthlung an ziak tih sawiin, "YMA chu Mizoram dâpa páwl awm, sorkar department tan pawh thawhpui atana pawl ṭangkai tak a ni," a ti.

Mizoram sum leh pai hai luh nan khualzin an luh tam a pawimawh thu leh chu chu hmasawnna nasa thlen theitu a nih thu sawiin Lalhmachhuana chuan, "Khualzinte'n Mizoram an tlawh châk chhan chu pipute sûlhnu a nihna ang anga kan dah hi a ni," a ti a; khualzinte'n sik leh sa ṭha tak huaia ramngaw vela vah nuam an tih thu a sawi.

Tourism joint director Saitluanga pawhin thu sawiin, kualzin tam zawk hîp lut turin Mizo nunzia thlak hret hret a ngai niin a sawi a, "Hnam dang laka ṭhat chhuah a ngai. State páwna mite sum leh pai Mizorama a luan luh tam theih nan khualzin hîp tam a pawimawh," a ti.