PM hoin Covid-19 vaccine sawiho

Nimin khan prime minister Narendra Modi chuan Covid-19 vaccine chungchangah state leh union territory hotute a kâwm a, vaccine pe chhuak tlem zual state-te chu ṭan la turin a fuih.

Virtual meeting-ah hian chief minister Zoramthanga, Health minister Dr R Lalthangliana, chief secretary Renu Sharma leh Health secretary R Lalramnghaka te pawh an tel.

Ṭhutkhawmah hian Covid-19 vaccine pe chhuak tlem zual district pariata district magistrate-te aṭangin an harsatna tawhte ngaihthlak a ni a; Prime Minister chuan, theihtawp chhuah a, kumin kum tàwpah chuan vaccine dose hnihna mi tam zawkin an lak theih nan ṭan la tuin a chah.

Mizoramah chuan Covid-19 vaccine hi first dose 82% leh second dose 60% pek a ni tawh a, India rama second dose pe chhuak tam lamah pariatna a ni.