CM Zoramthanga thubuaiah Thutlukna puan hun sawn leh

Nimin kha chief minister Zoramthanga eirua puhna thubuaia thutlukna Special Court (Prevention of Corruption Act)-in a puan hun tura ruahman a ni a, mahse, November 8, 2021-a puan turin sawn leh a ni.

Zoramthanga thubuai hi a hnuhnung ber atan October 8, 2021 khan ngaihtuah a ni a, thutlukna puan hun atan October 18, 2021 ruat a ni. Mahse, special judge Vanlalenmawia chuan, "Inthlan a awm dawn a, chuvangin party-in an chuk luai luai tur ka duh lo. Inthlan zawh lamah sawn a ni," tiin, thutlukna puan hun sawn a nih chhan Vanglaini a hrilh.

Tuirial bial MLA by-election avangin thu­tlukna puan hun sawn a ni a, nimin November 3 kha thutlukna puan hun atana ruat a ni. Mahse, Special Judge-in chawlh a lâk avangin November 8, 2021-a puan turin sawn leh a ni.