Handloom park din dan tur sawipui

Mizoram Youth Commission (MYC) chairman Dr Vanlalṭanpuia, MLA chuan November 2, Thawhlehni zan khan Union Textile minister Piyush Goyal chu a pisaah a kâwm a; handloom park din chungchanga project a thehluh tawh, Covid-19 léng vanga hmalak chhunzawm loha awm chu tharthawh leh turin a ngen.

Sorkar thuchhuah tarlan danin, Textile Minister chuan, handloom park din chungchanga ruahmanna kal tawh chu scheme her danglam a awm avanga tihkhawtlai a nih thu sawi a; scheme thar mila detail project report thar siama ennawn tur leh a ṭul anga en zui a tum thu a hrilh.

An inkawm zawh hian Krishi Bhawan-ah MLA leh Textile Ministry official-te chuan DPR buatsaih dan tur kalhmang an sawiho nghal bawk. Dr Vanlalṭanpuia hi Lalnunmawia, MLA leh MYC Under Secretary-te'n an ṭawiawm a ni.