Siaha MJA tan budget zirhona buatsaih

Mara Autonomous District Council (MADC) chuan nimin khan MJA, Siaha district member-te tan budget zirchianna an buatsaih a, Palak bialtu MLA KT Rokhaw-a'n a hmanpui.

KT Rokhaw chuan, journalist-te chu mipui hnena thu dik hriattir a, sorkar leh mipui inkara thawktu pawimawh tak, sorkar, khawtlang leh ram inrêlbàwlnaa hma hruaitu leh khalh ngiltu an nih thu a sawi a, "Nun thlenga uluk a ṭul. Budget pawh hriat chian a ṭul hle a ni," a ti.

Zirhonaah hian MADC Finance department-a mithiamte'n MJA member-te chu budget kalphung an zirtir a; District Council budget chu Consolidated Fund of India aṭanga state sorkarin a dawn kaltlangin grant-in-aid hmangin a pe chhâwng leh ṭhin tih an sawi.