Mi 5,20,052-in Covid vaccine la kim tawh

India rama Covid-19 laka invenna damdawi (vaccine) pek ṭan ní, January 16, 2021 aṭanga November 3, Nilaini thleng khan Mizoramah Covid vaccine dose 12,18,553 pek a ni tawh a, chu'ng zinga dose 5,20,052 chu dose hnihna a ni.

Integrated Disease Surveillance Programme (IDSP) tarlan danin, Covid vaccine pek tawh 12,18,553 zinga 6,98,501 chu dose khatna a ni a, dose khatna la tawh zinga 5,20,052 (74.45%) chuan an la kim tawh. Kum 2011 chhiarpuia Mizorama mihring awm zat 10,91,014 aṭanga chhûtin vaccine la kim tawh mi 5,20,052 chu 47.66% a tling.

November 3, Nilaini bikah Covid vaccine dose 1,738 pek a ni a, mi 243 hnenah dose khatna leh mi 1,495 hnenah dose hnihna pek a ni.

Nilaini thleng khan Mizoram sorkar ruahmanna hmunah vaccine dose khatna 6,96,350 leh dose hnihna 5,18,054, a vaiin dose 12,14,404 pek a ni tawh a; private facility-te'n dose 4,149 (dose khatna 2,151 leh dose hnihna 1,998) an pe tawh.

Sorkar hmuna vaccine pek dose 12,14,401 chu Mizorama pek zawng zawng 12,18,553 aṭangin 99.65% a ni a, private facility-a pek dose 4,149 chu 0.34% a ni.

Covid-19 vaccine la tawh hlawm ṭhen zingah dose khatna la zat aṭanga chhutin dose hnihna la hnem ber chu kum 60 chung lam an ni a, dose khatna 64,449 pek tawh zinga 62,240 (96.57%)-in full dose an la tawh.

May 17, 2021-a vaccine pek ṭan kum 18-44 inkar hnenah dose khatna 4,18,139 pek a ni tawh a, Mizorama vaccine pek hlawm ṭhen zinga dose khatna la tam ber an ni. Dose khatna la zat aṭanga chhûta full dose la tlem ber an ni thung a, kum 18-44 inkar dose khatna la zinga 2,73,079 (65.30%) chauhin full dose an la tawh a ni.