Minister-in kawng siam tur a en

Information & Public Relation minister Lalruatkima chuan nimin zing khan a bial chhunga Tuikual North a tlawh a, khawtlang hruaitute nen Suakpuia Muala lirthei kawng sial tlang dan tur leh VC In sak zawm dan tur an en.

Minister chuan, SEDP-in kum tharah kut hnathawktute hnen a thlen ngei theih nan chief minister Zoramthanga hoa hmalak mek a nih thu a sawi.

Khawtlang hruaitute nen an inkawmnaah Lalruatkima chuan, hripui léng karah theihtawpin sorkarin hma a la tih a sawi a, "Tunah chuan Pathian awmpuina leh kohhran, khawtlang leh sorkar ṭanrualna zarah hri pawhin ziaawm lam a pan mek a, kum tharah kut hnathawktute hnen SEDP-in a thlen ngei theih nan CM Pu Zoramthanga hoin hmalak mek zel a ni," a ti.