Covid-19 do turin inpe

Covid-19 hripui léng avangin Mizoram chhung­a damdawi-in leh a kaihhnawih hrang hranga thawkte tlawmngaia pui turin mi hrang hrang an inpe zel.

Zarzoliana s/o Bible­liana, Chhinga Veng, BSc (MLT) chu laboratory technician-te indaih lohzia a hmuhin a ṭul anga chhawk turin a inpe.

Lallawmzuala s/o Zohmangaiha Tochhawng, Keifang chu hripui vei mekte enkawl turin a inpe a, ani hi MBBS zir mek a ni. 

Lunglei Rahsi Veng nula Salemthari, nurse zir zo tawh chu a ṭul apianga thawktute pui turin a inpe.

Hnahthial tlangval pahnih medical laboratory technology zir zo tawh - Laldinsanga Phutin leh MC Lalrempuia te pawh Hnahthial district hospital-a a ṭul apianga thawktute pui tura koh theih turin an inpe bawk.