MLA hlui Saitlawma Sailo a thi

MLA hlui Saitlawma Sailo (81), Theiriat, Lunglei chu nimin chawhnu dar 1:45 khan Aizawl Hospital & Research Centre-ah a thi a, vawiin chhun dar 12-ah vui a ni ang.

Saitlawma Sailo hi thisen sang, zunthlum leh protein tlâkchham vangin October 6, 2021 khan Christian Hospital, Lungleiah dah luh a ni a, ziaawm lam a pan theih loh avangin October 12 khan Aizawl panpui niin, Aizawl Hospital-ah enkawl zui a ni. Aizawl Hospital-a a awm hnuah pneumonia a nei leh bawk a, October 19 khan ICU-ah dah luh niin, nimin khan a thi ta a ni.

Saitlawma Sailo hi Mizoram union territory a nih hlima inthlanpui hmasa ber, kum 1972 khan Ṭawipui bialah MLA atan thlan tlin a ni.