CEO P Jawahar-in Lunglei a tlawh

Chief electoral officer (CEO) P Jawahar chuan nimin khan Special Summary Revision of Electoral Rolls, 2022 kal mek kaihhnawihah Lunglei a tlawh a, joint CEO David Liansanglura Pachuau-in a ṭawiawm.

Lunglei DC conference hall-a inkawmnaah CEO Jawahar chuan, kum tling tharte leh kum tling tawh electoral roll-a la thun lohte chu inziak lut ngei turin a sawm a, "Lunglei district-in electoral roll dik leh felfai tak a neih theih nan khua leh tui dik tak kum tling tawhte chu ziah luh ngei a pawimawh," a ti.

Inkawmnaah hian Lunglei district election officer Kulothungan A, election officer C Lalduhzuali leh Lunglei district-a assembly constituency paruka ERO, AERO leh YMA Sub-Hqrs. hruaitute an tel a ni.