Myanmar aṭanga meizial tawlh leh luh rûk thubuai 19 ziak lut

Covid-19 vanga international leh inter-state border-te khâr a nih hnuah Myanmar aṭanga Mizorama luh rûk leh meizial tawlh luh thubuaiah Champhai Police chuan thubuai 19 an ziak lut tawh.

Champhai Police-in thubuai 19 an ziah luh zinga paruk chu Myanmar aṭanga meizial phurh luh thubuai a ni a, thubuai 13 chu Myanmar aṭanga Mizorama rawn luh rûk thubuai a ni. Thubuai 19-ah hian mi 38 an man.

Inkhàrkhip ṭan a nih aṭangin hian Champhai Police-te chuan YMA nena ṭangkawpin meizial báwm 133 leh carton 24 an man tawh a, tualchhung hralhna ang chuan cheng nuai 32.35 hû a ni.