Khawvel Sunday School Ni hmang

Nimin Pathianni kha Khawvel Sunday School Ni a ni a, kohhran hrang hrangin hmangin, thupui thlan bik an zir.

Sunday school hi kum 1780 khan Gloucester, England-ah Robert Raikes-a'n a din a, khawvel ram hrang hrangah a darh zui a ni. India ramah chuan July 9, 1803-ah missionary William Carey-a leh a ṭhiante'n bul an ṭan a, Mizoramah pawh Rev. DE Jones (Zosaphluia) hmalaknain February 20, 1898-ah ṭan a ni.

Mizoramah chuan kum 1944 aṭangin Khawvel Sunday School Ni hman ṭan a ni a, 1949 aṭangin November thlaa Pathianni hmasa berah hman ṭhin a ni.

Synod Inkhawmpui vawi 97-na report-a a lan danin, Mizo Sunday School Union hnuaiah sunday school 1,032, hotute 4,562, zirtirtu 46,866 leh zirtu 3,70,937 an awm.

SS chawimawina dawng zat

(October 2021 thlengin)
# Hming Dawng zat

1. Pi Zaii Award 20,900

2. Pi Zaii Special Award 1,386

3. Zalawra Award 21,632

4. Zalawra Special Award 1,852

5. Diploma Award 10,235

6. Jubilee Award 1,339