SRS din chhunzawm dawn

YMA Central Exe­cutive Committee (CEC) June 9, Inrinnia Central YMA pisaa ṭhukhawm chuan, Central YMA hnuaia ruihhlo dotu, Supply Reduction Service (SRS) din chhunzawm zel an rél.

SRS ding lai chu June 30, 2018-a tâwp tur a ni a, Central YMA meeting chuan SRS din chhunzawm zel relin, member turte pawh inruat thar an remti a ni. SRS convener pakhat, assistant concener pahnih leh secretary tur pahnihte chu chu CYMA office bea­rer-te ngaihtuah turin an dah a, chu chu CEC meeting leh hunah pawm­pui turin an dah a ni.

CYMA president Vanlalruata kaihhruai CEC meeting chuan, YMA General Conference neih loh kuma neih ṭhin, YMA Rorel Inkhawm chu October 19-ah Vanapa Hall-ah neih ni se, an ti. June 15-a YMA Day vawi 84-na lo thleng tur lawm dan leh Central YMA hruaitute'n branch hrang hranga an hmanpui dan tur an rél bawk.