Synod Executive Committee an ṭhu

Mizoram Presbyterian Kohhrana committee sang ber, Synod Executive Committee (SEC) chuan June 5-7, 2018 chhung khan JM Lloyd Hall, Synod Office-ah vawi 273-na an nei a, Synod moderator Rev. F Lalrinnunga'n kaihruaiin, SEC member 159 zinga 132 an te.

SEC thurel zingah–MLA General Election thuchah chungchang, secular college din dan tur ruahmanna, HIV/AIDS do kawnga hmalak dan tur, MIMER, Falkawn chhehvela ram/in hmun lei rawtna, KJP Assembly nena thawhhona tihtawp thu, Jowai Presbyterian Kohhranin thawhho an duh chungchang, doctor specialist post zat chungchang, jail-a sakramen ṭheh chungchang, India rama Kristiante tihduhdahna hluar zel awareness neih chungchangte a tel.

Report petu Synod secretary Upa R Dengzikpuia chuan, Tripura Synod (Provisional) nen thawhhona thuthlung ziah fel a nih thu te, SEC vawi 272-na leh vawi 273-na inkarah Synod Relief fund aṭangin harsatna tuar mi hrang hrang hnenah ṭanpuina Rs. 6,74,000 pek a nih thute a tarlang.