MP-in sikul building thar a hawng

Lok Sabha MP CL Ruala'n June 8, Zirtawpni khan Lawngtlai district-a Chawnhu khuaah Rev. Thanzinga Memorial Middle School building sak thar a hawng. Sikul hming putu Rev. Thanzinga hi CL Ruala pa a ni.

CL Ruala chuan, a pa hriatrengna sikul din a ni leh Chawnhu khua aṭangin lehkhathiam mi ṭhahnem tak an chhuak chu lawmawm a tih thu a sawi a; ṭhalaite chu tumruhna neia taima taka lehkha zir turin a fuih. Sikul building thar hi MP Area Development Fund cheng nuai 19 sênga sak a ni a, sikulah hian zirlai 47 leh zirtirtu leh thawktu dang mi 11 an awm a ni.