LIKBK ṭhalaite'n thing phun

Lawngtlaia Lairam Isua Krista Baptist Kohhran (LIKBK) Ṭhalai Pawl unit hrang hrangte chuan June 9, Inrinni khan Kaladan Multi Modal Transit Transport Project (KMMTTP) kawngpui kamah thing phun beihpui an thlak.

Thing phun beihpui thlakah hian Lawngtlai khawpuia LIKBK Ṭhalai unit 20 aṭangin mi ṭhahnem tak an thawk chhuak a, thing ṭiak 200 vel an phun. Lai Autonomous District Council-a Environment, Forest & Climate Change department-a Deputy Chief Conservator of Forest-in a telpui a ni.