Chaw ngheia ṭawngṭai rual MKHC-in a huaihawt dawn
Mizoram Kohhran Hruaitute Committee (MKHC) chuan, Covid-19 hripui khawvel puma lêng mek avangin June 21, Pathianni zanah kohhran zawng zawng huapin chaw ngheia ṭawngṭai rual an buatsaih dawn.
MKHC hruaitute June 11, Ningania ṭhukhawm chuan, khawvela Covid-19 léngin India ram leh Mizoram pawh a chîm mek dan an thlirho a, "June 21, Pathianni zanah kohhran mipui zawng zawngte a ruala chaw ngheia ṭawngṭai ni se. Ṭawngṭaina hi mipuiin a ruala an zawm vek theih nan zan dar 7:30-ah MKHC hruaitute'n TV live programme siama kaihhruai ni se," an ti. Ṭawngṭai rualah hian chaw nghei thei lote pawh tela zawm ṭheuh turin an sawm a ni.