AR insawn chhuah dan tur CYMA-in Home Secy. sawipui

Central YMA hruai­tute chuan nimin khan Home secretary Lalnun­mawia Chuaungo chu a pisaah an kawm a, Aizawl khawpui laili aṭanga Assam Rifles-te Zokhawsanga sawn dan tur an sawipui.

CYMA hruaitute hian Lalnunmawia Chuaungo hnenah hian, Assam Ri­fles-te chu khawpui laili aṭangin a rang thei ang bera Zokhawsanga an insawn dan turah, Ministry of Home Affairs-in a ruahmanna a neih tawha harsatna leh inpuahchahna thil velte chu ngaihtuah vat a nih theih nan lehkha an thehlut a ni.

Khawpui laili aṭanga Assam Rifles-te an in sawn hnuah Aizawl khawpui tâwt lutuk a ziaawm dawn thu leh, mipui náwlpui nunaute nena para military force-te inlênpawh theih a ni chu a him lohna chin a awm theih thute an sawi.

Home Secretary chuan, Assam Rifles-te in­sawn­na tur Zokhawsang chu a hmunah vawi thum a tlawh tawh thu leh, Lam­mual chhehvela mimal ram awm anga sawi ṭhin pawh enfiaha a ṭul anga hma la tura ruahmanna a siam tawh thu a sawi a; Assam Rifles-te a rang thei ang bera an insawn theih nan state sorkarin ṭan an lak tur thu a lo hrilh.