Mizoramin SHG award dawng

Mizoram State Rural Livelihoods Mission (MzSRLM) hnuaia self help group (SHG), Bilkhawthlir RD Block-te chu Ministry of Rural Development-in National Award for Best Performing SHG a pek tur dawng tura thlan an ni.

Award dawng tur hian state 20 aṭangin SHG 34 thlan a ni a, nimin khan sorkar laipuia RD minister Narendra Singh Tomar chuan a dawngtute hnenah a hlan. Award hian memento, thuchei leh Rs. 1,00,000 a keng a; Mizoram aṭanga award dawngtute hi MzSRLM CEO Lalchhandami'n a hruai a ni. National Rural Livelihoods Mission hnuaiah India ram pumah SHG 41,85,822 an awm mek.