Saituala office sawn duh lo

Tuisual Group YMA chuan thuchhuah siamin, PWD Highway Division-II office, Aizawla awm ṭhin Saituala sawn a ni chu an duh loh thu an tarlang a, Aizawla dah leh turin sorkar an ngen.

Tuisual Group YMA chuan, PWD Highway Division-II office chu Sakawrdaia PWD Sub-Division hnuaia mipuite'n an dawr ṭhin thu tar­langin, "Saituala dah a nih hian keini Tuisualral mipuite tan a hna hnih a, Saituala kal turin Aizawl thlen phawt a ngai a, Aizawl aṭangin tha tharin Saitual lam pan a ngai leh dawn a ni. Kal man avang ringawt pawh hian keini thingtlang mirethei zawkte'n harsatna nasa tak kan tâwk dawn tih a chiang," an ti.