District Planning Committee ṭhukhawm

Aizawl District Planning Committee chu nimin khan DC Dr A Muthamma hoin DC conference hall-ah an ṭhukhawm a; Aizawl district chhunga MLA pathum - R Lalrinawma, RL Pianmawia leh Lt.Col. ZS Zuala te pawh an tel.

Meeting-ah hian, Aizawl district-a hma­lak dan tur a tahtawla rua­hman a ni a; thingtlang khuaah a bul ṭan phawt a, Aizawl Municpal Council chhungah chhunzawm leh ni se, an ti.

Economics and Sta­tistics department kal­tlangin an dinhmun chiang zawka zir a nih hnu­ah thingtlang khaw tinte chu an khaw mamawh inṭawm, an ngaih pawimawh zual, hmalak hmasakna tur nia an ngaih thil pathum thehlut tura hriattir a ni. An ngaih pawimawh zual pathum an thehluhte leh bialtu MLA-te'n an ngaih pawimawh zual an thehluh aṭangin a indawta hmalak dan tur meeting-ah hian ngaihtuah a ni.

Indian Constitution 74th. Amendment Act, Article 243ZD-in din tura a tih angin, District Planning Committee din a ni a, DC-te chu chairman niin, dis­trict research officer-te chu member secretary an ni.