Lawngtlaiah NLUP Kûtpui

Lawngtlai district-a NLUP hlawhtlinna phochhuahna hun NLUP Kutpui, 2018 chu nimin khan Dokulha Hall, Lawngtlaiah buatsaih a ni a, AH&Vety minister C Ngunlianchunga'n a hawng.

C Ngunlianchunga chuan, NLUP chu mi rethei leh hnuaihnung zawkte'n ei leh bara intodelh a, kawng tinrenga changkanna kawng an zawh theih nana ruahman a nih thu a sawi a, "NLUP thil tum chu Mizoram aṭanga retheihna ûm bo a, mi retheite tana eizawnna ngêlnghet siam a ni. Tam takin an hlawhtlinpui laiin hlawhtlinpui lem lo pawh an awm. A dawngtuteah a hlawhtlin leh hlawhtlin loh a innghat a ni," a ti.

NLUP Kûtpuiah hian line department pariatte'n stall an hawng vek a, a vaiin stall 16 siam a ni. Stall-a thil phochhuahte chu 20%-a tlâwma zawrh a ni.