Sorkar laipui scheme hnuaia Serchhip dist-a hmalakna thlir

Serchhip District Development Coordina­tion & Monitoring Committee (DDCMC/DISHA) chu an chairman C Lalrosanga, Lok Sabha MP hoin nimin khan an ṭhukhawm a; sorkar kum kal meka Serchhip district-a sorkar laipui sum hmanga hnathawh hrang hrang an thlir lêt.

Ṭhutkhawmah hian Serchhip district-a sorkar laipui sum hmanga hma­sawn­na hnathawhte chu a enkawltu officer-te'n an tarlang. MGNREGS (ni 100 inhlawhna) kalpui mekah October 2021 thlengin ni 71 inhlawhna pek a ni tawh a, a bak ni 26 la awm chu November leh December thlaa pek tum a ni.

National Rural Liveli­hood Missions hnuaia hmalakna te, BADP hnuaia East Lungdar RD Block hmalakna kal mek te, PMGSY, DDUGJY, Swachh Bharat, National Health Missions, PMMVY, Sarva Shiksha hmalaknate an thlirho a ni.