Champhai YMA ambulance leh recovery van hlân

YMA Sub-Hqrs, Champhai chuan nimin khan Transport department-in ambulance leh lirthei hnuh chhuahna (recovery van) an hawhtir chu Champhai Tlangrawta Sub-Hqrs YMA Hall-ah Pathian hnena hlanna leh lawmthu sawina an buatsaih a, Transport minister TJ Lalnuntluanga, Champhai South bialtu MLA-in a hmanpui.

TJ Lalnuntluanga chuan, dik leh felfai taka a tahtawla hmasawnna kalpui a ṭul thu sawiin, "Environment, Forest & Climate Change department hnuaiah Champhaiah Conservator of Forest (CF) post dah a ni dawn a, Law & Judicial department kaltlangin Champhai judicial district thar leh district court sakna turte High Court-in a pawmpui tawh a, Transport pisa thar sak thuai tum a ni," a ti a; ambulance leh recovery van hawhtir chu mipuiin an chhawr ṭangkai ngei a duh thu a sawi.

Inkhawm hi Champhai Sub-Hqrs YMA president F Lalrinmuana'n a kaihruai a, pastor K Lianmunga'n ambulance leh recovery van-te Pathian hnenah a hlan a ni.