Kolasib-ah Mobile Team din

Kolasib district chhunga inkhàrkhip kalpui mekah Mobile Team din a ni. Anni hian Kolasib khaw chhunga quarantine facility-te hrilh lâwk lem loin an tlawh (surprise visit) ṭhin ang.

Mobile Team hian quarantine facility-a police duty-te an pui ṭhin dawn a, mipui zirtirna leh dan kenkawh kawngah hma an la ang a, 

aṭul angin pawisa inchawitir thlengin mawh an phur ang. Zing dar 9 aṭanga zan dar 10 thleng an duty dawn a, police patrol-te pawh a ṭul angin an pui dawn a ni.

Kolasib district-ah hian sumdawnna dawrte hawn phal vek a ni a, thingpui dawr/restaurant-te erawh home delivery-a kalpui tura tih a ni. Kut hna thawka chhuak turte chuan task force hnenah chhuah phalna an lak a ngai a, zing dar 9 hmain Kolasib chhuahsan hman tur a ni. Thil ṭul dangah chuan zonal magistrate-te phalna lak a ngai thung. Task force-te phalna hmangin taxi, auto rickshaw leh maxicab-te chu emergency-ah chauh hman theih a ni bawk.