MNF Ṭhalaiin Zoramthanga an lawmpui

MNF ṭhalai hruaitute chuan an president Lalrinawma hoin nimin khan an party president leh chief minister Zoramthanga chu a pisaah tlawhin, a thubuaia a zalen tak avanga lawmpui nan pangpar an hlân.

MNYF vice president Lalzahawma Khiangte chuan, Zoramthanga chu rem leh rem loin thubuai siamsak a nia sawiin, "Kan khingpuite'n dâwt hmanga MNF an beihna lakah hotupa berin mawh a la a ni mai a, hetianga court-in thiam a chantir a, thu dik hâi lana a awm ta hi kan lawm a, Lalpa'n kan sorkar zelna tura min hruaina kawng pawimawh tak a nih ngei pawh kan ring," a ti.