Lawngtlai MJA-te LADC chungah lawm

Lawngtlai District MJA chuan thuchhuah siamin, LADC session neih zawh takah an ngennate tihhlawhtlin a nih thu tarlangin, LADC chunga an lawm thu an sawi.

Lawngtlai MJA chuan an member-te intuamhlawmna tur financial assistant budget-ah dah a nih thu tarlangin, "Hun reiloteah Lawngtlai District MJA chuan Mizorama a hmasa ber atan journalist pension a pe thei dawn ta a ni," an ti.

Advertisement leh subscription bill LADC chuan an tihpunsak thu tarlangin, "Mizoram sorkarin advertisement rate thar a siam display leh classified pawh hmang ve turin min tihfel sak," an ti a, an ngenna a hlawhtlin theihna atana hmalatu CEM T Zakunga leh EM i/c information-te chungah an lawm takzet thu an sawi.