e-office changtlung sawiho a ni

DoNER minister Dr Jitendra Singh hoin nimin khan hmarchhak state hrang hranga chief minister-te leh IT minister-te'n video conferen­cing kaltlangin e-office changtlung zawka kalpui dan tur an sawiho a; Mizoram aiawhin Information & Communication Technology (ICT) mi­nister Robert Romawia Royte a tel.

Robert Romawia Royte chuan, e-office a hlawhtlin theih nan sorkar laipui aṭangin inkaih­hruaina mumal tak hmarchhak state-te tan siam ṭul a tih thu leh, internet connectivity-a harsatna sutkian chungchangah sorkar laipui aṭanga ṭan lâk a ṭul thu a sawi.

Meeting-ah hian, Project Steering Committee din an rel a; committee-ah chuan e-office kalpuina atana mi pawimawh hrang hrangte tel se, kum 2022-ah chuan sorkar office, secretariat, directorate leh district office-ah e-office hmang vek tawh tura hmalak ni se, an ti.

Video conferencing-ah hian ICT Minister hi DPAR (Good Governance Cell) leh ICT department official-te'n an ṭawiawm a ni.