Kohhran 192 hmunhma hmang mek

Covid-19 inkhàrkhip vanga Mizoram páwna Mizo tangkhang lo hawte khung hranna atan June 11, Ningani thleng khan Mizorama kohhran pawl pakuate tualchhung kohhran 192 hmunhmate community quarantine facility (CQF) atan hman a ni a, chu'ngah chuan mi 3,335 an awm.

Mizoram sorkar chuan kohhran páwl hrang hrangte chu an hmunhmate CQF atan hman a nih theih nan kohhran hmunpui ṭheuhah a dil a; kohhran hmunpuite'n an phal ang leh thuràwn angin CQF atan hman zui a ni. CQF hi Aizawl district-ah tam berin 124 a awm a, Hnahthial leh Kolasib district-ah CQF a awm lo thung.