PAHOSS chungchang sawiho a ni

Parking House Support Scheme (PAHOSS) Committee vawi ngana chu nimin khan an chairman Zoramthanga, chief minister hoin Chief Mnister's Office conference hall-ah an ṭhukhawm a, PAHOSS hmalakna hrang hrang an thlirho.

Ṭhutkhawmah hian PAHOSS inkaihhruaina ennawn a ni a, belh ngai leh siamṭhat ngaite sawihoa pawm a ni. Vice chairman atan UDPA minister Tawnluia, deputy chief minister ni bawk dah tura rawtna pawm a ni bawk.

Meeting-a tarlan danin, February 6, 2019-a PAHOSS tlangzarh a nih aṭangin UDPA department chuan in sak ṭanpui dilna 1,458 an dawng tawh a, chung zinga 403 chu dawng tura thlan an ni. Puihna hmu zinga mi 11-in in an sa zo tawh a, scheme aṭanga inhnûkdâwk mi 26 an awm.

Ṭhutkhawmah hian deputy chief minister Tawnluia, MLA C Lalmuanpuia, Aizawl mayor Lalrinenga Sailo, chief secretary Renu Sharma, DGP SBK Singh, UDPA leh Finance department hotute an tel a ni.