MJA Coordination Committee ṭhukhawm

Mizoram Journalists' Association (MJA) chuan nimin khan Aizawl Press Club-ah Coordination Committee ṭhutkhawm vawi sarihna an nei a, district hrang hranga MJA hruaitute telin, nakkuma MJA Golden Jubilee lawm dan tur an rél.

MJA Coordination Committee ṭhutkhawm hi MJA president Zonunsanga Khiangte-in a kaihruai a; MJA general secretary Zohmingmawia'n MJA General Coference vawi 47-na, kumin March thlaa Lungleia neiha rorel bawhzui dan leh hmachhawpte a sawifiah.

March 23, 2022-a MJA Golden Jubilee lawm dan tur rêl a ni a, 'Jubilee pual hian MJA Gen.Hqrs bakah district MJA tinte'n jubilee lungphun leh jubilee pual mei dêt ni se,' an ti. Golden jubilee lawmna pui ber chu Aizawlah nakkum March 23 tinzawn chungin General Conference nen ni hnih chhung hun hman an rél a; chumi hma chuan district MJA tinte'n jubilee pualin an remchan dan angin hun buatsaih ni se, an ti bawk.

MJA golden jubilee pual hian budget ruahman a ni a, General Headquarters-in jubilee puala sum a tuak mai bakah, district MJA-te thawh tur sum ruahman a ni.

MJA Coordination Committee-ah hian MJA Gen.Hqrs-a executive committee member-te leh district tina MJA elected office bearer-te an tel a ni.