Buhvum Wildlife Sanctuary A thuphungin pawm a ni

State Board for Wildlife chu nimin khan an chairman Zoramthanga, chief minister hoin Chief Minister's Office conference hall-ah an ṭhukhawm a, Buhvum Wildlife Sanctuary a thuphungin an pawm.

Ṭhutkhawmah hian Buhvum Wildlife Sanc­tuary (rawtna hmasaa Saikhawthlir Wildlife Sanctuary tia vuah) siam tura rawtna kal bawhzui dan sawiho a ni a; Wildlife (Protection) Act, 1972 hnuaia Buhvum Wildlife Sanctuary puang turin a thuphungin an pawm a ni.

Aizawl Zoological Park zauh a, changtlung zawka cheibâwl tura rawtna siam chu ṭha an ti a, zirchianga bawhzui ngaite bawhzui ni se, an ti.

Ṭawi Wildlife Sanc­tuary chhunga Gravity Water Supply Scheme te, ramsa laka thi leh hliamte hnena zangnadawmna pek chungchang te, dan kalha airgun leh air rifle hmanga ramvâk ṭhin an awm loh nan nasa zawka inzirtirte an rél bawk.