Sarâng pan zual hman khap

Urban Development & Poverty Alleviation (UDPA) department chuan, Plastic Waste (Management & Handling) Rules, 2016 Rule 4-in a sawi angin, micron 75 aia pan sarâng hmanga siamte kawl, hralh, hman leh thil tuamna atana hman khap tlat a nih thu a tarlang.

UDPA department chuan, polystyrene leh expanded polystyrene (thermocol tia hriat) siam chhuah, chah luh, kawl, sem, hralh leh hmante pawh khap a nih thu a tarlang a; dan bawhchhiate chu kum nga thleng tàntir leh Rs 1,00,000 thleng chawitir bakah, dan an bawhchhe zui zel a nih chuan ni tin Rs 5,000 zel chawi belhtira hrem chhunzawm theih a nih thu a tarlang bawk.