Minister-in Lalbiakthanga lawmpui

Padma Shree dawngtu Lalbiakthanga Pachuau (kum 94), India rama working journalist upa ber leh prominent journalist chu Information & Public Relation minister Lalruatkima’n a pisaah nimin khan lawmpuina a hlàn a, IPR department officer-te leh MJA hruaitute an tel.

Lalruatkima chuan, Lalbiakthanga Pachuau chu Mizoram chanchinbumite zinga Padma Shree dawng awm chhun a ni thi sawiin ropui a tih thu a sawi a, "IPR department chuan a chhuangin a lawmpui tak zet che a ni," a ti.

IPR Minister chuan, tun sorkarah advertisement rate tihsan a nih thu te, press mite tan press tour vawi eng emaw zat buatsaih a nih tawh thu te, an intuaihriamna tur parliamentary training buatsaih a nih thu te, journalist-te tan pension scheme siam turin hmalak mek a nih thute a sawi bawk.